നിയന്ത്രണങ്ങൾ നീക്കിയതിനു പിന്നാലെ ജർമനിയിൽ വീണ്ടും കോവിഡ് പിടിമുറുക്കുന്നു
ബെർലിൻ: കോവിഡ് ബാധിതരുടെ എണ്ണത്തിൽ നേരിയ കുറവ് രേഖപ്പെടുത്തിയതിനു പിന്നാലെ നിയന്ത്രണങ്ങളിൽ ഇളവ് വരുത്തിയത് ജർമനിക്ക് തിരിച്ചടിയാകുന്നു. രാജ്യത്തെ കോവിഡ് ബാധിതരുടെ എണ്ണത്തിൽ വീണ്ടും ഗണ്യമായ വർദ്ധനവാണ് രേഖപ്പെടുത്തിയത്. കണക്കുകൾ പ്രകാരം ഈ സമയത്ത് രാജ്യത്ത്് കോവിഡ് കേസുകൾ കുത്തനെ കുറയേണ്ടതാണ്.
എന്നാൽ, അതിനു വിപരീതമാണ് സംഭവിക്കുന്നത് − അധികൃതർ വ്യക്തമാക്കി. ഹോട്ടലുകളും റെസ്റ്റോറന്‍റുകളും തുറന്നതും ഫുട്ബോൾ മത്സരങ്ങൾ അനുമതി നൽകിയതുമെല്ലാം തിരുത്തേണ്ടി വരുമെന്നാണ് വിവരം. രാജ്യത്ത് ഇതുവരെ 1,71,879 പേർക്കാണ് രോഗം ബാധിച്ചിട്ടുള്ളത്. 7,569 പേർ മരണത്തിനു കീഴടങ്ങുകയും ചെയ്തു.
