യുഎഇയില്‍ കോവിഡ് ബാധിച്ച് മരിച്ചവരുടെ എണ്ണം 20 ആയി
അബുദാബി: യു.എ.ഇയിൽ കോവിഡ് 19 ബാധിച്ച് ശനിയാഴ്ച നാലു പേർ കൂടി മരിച്ചു. ഇതോടെ യു.എ.ഇയിൽ കോവിഡ് ബാധിച്ച് മരിച്ചവരുടെ എണ്ണം 20 ആയി. 376 പേർക്കാണ് 24 മണിക്കൂറിനിടെ രോഗം സ്ഥിരീകരിച്ചത്. ഇതോടെ ഇവിടെ കോവിഡ് രോഗബാധിതരുടെ എണ്ണം 3,736 ആയി ഉയർന്നു. 588 പേർക്കാണ് യുഎഇയിൽ രോഗം ഭേദമായത്. കോവിഡ് ചികിത്സാരീതികൾ ഫലപ്രദമാണെന്നതിന്‍റെ സൂചനയായാണ് കഴിഞ്ഞ ദിവസങ്ങളിൽ രോഗം ഭേദമായവരുടെ എണ്ണത്തിലുണ്ടായ വർധനയെന്നും ആരോഗ്യമന്ത്രാലയം വക്താവ് പറഞ്ഞു.
