ജി.സി.സി. ഉച്ചകോടിക്ക് ബഹ്‌റൈൻ ഒരുങ്ങി
പ്രദീപ് പുറവങ്കര
മനാമ: ഗൾഫ് സഹകരണ കൗൺസിലിന്റെ 46ആമത് സുപ്രീം കൗൺസിൽ ഉച്ചകോടിക്ക് ഡിസംബർ മൂന്നിന് ആതിഥേയത്വം വഹിക്കാൻ ബഹ്‌റൈൻ ഒരുങ്ങി. ഉച്ചകോടിയുടെ ഭാഗമായി രാജ്യത്തിന്റെ തലസ്ഥാനവും പ്രധാന നഗരങ്ങളും ഗൾഫ് രാജ്യങ്ങളുടെ ഐക്യം വിളിച്ചോതുന്ന ദൃശ്യവിരുന്നുകളാൽ അലങ്കരിച്ചിരിക്കുകയാണ്.
ജി.സി.സി. രാജ്യങ്ങളിലെ നേതാക്കളുടെ ചിത്രങ്ങൾ, ഊഷ്മളമായ സ്വാഗത സന്ദേശങ്ങൾ, ഒത്തുചേരലിന്റെയും സൗഹൃദത്തിന്റെയും പ്രതീകമായ മുദ്രാവാക്യങ്ങൾ എന്നിവ റോഡുകളിലും കവലകളിലും പൊതു ഇടങ്ങളിലുമായി സ്ഥാപിച്ചിട്ടുണ്ട്. മേഖലയിലെ രാജ്യങ്ങൾക്കും ജനങ്ങൾക്കുമിടയിൽ കൂട്ടായ ഭാവിയും സാമ്പത്തിക സംയോജനവും ശക്തിപ്പെടുത്തുന്നതിനുള്ള ഒരു സുപ്രധാന നാഴികക്കല്ലായാണ് ഉച്ചകോടിയെ വിലയിരുത്തുന്നത്.
ജി.സി.സി. രാജ്യങ്ങളിലെ ജനങ്ങളുടെ താൽപ്പര്യങ്ങൾ സംരക്ഷിക്കാനും അന്താരാഷ്ട്ര വേദിയിൽ ഗൾഫ് രാജ്യങ്ങളുടെ സ്ഥാനം ശക്തിപ്പെടുത്താനും സഹായിക്കുന്ന സുപ്രധാന ചർച്ചകൾ ഉച്ചകോടിയിൽ നടക്കുമെന്നാണ് പ്രതീക്ഷിക്കുന്നത്. പ്രാദേശിക, അന്തർദേശീയ വെല്ലുവിളികൾ, സാമ്പത്തിക സംയോജനത്തിനുള്ള സാധ്യതകൾ, സുരക്ഷാ ഏകോപനം വർദ്ധിപ്പിക്കൽ, വിവിധ മേഖലകളിലെ സഹകരണം മെച്ചപ്പെടുത്തൽ തുടങ്ങിയ വിഷയങ്ങൾ ഉന്നതതല യോഗത്തിൽ ചർച്ച ചെയ്യുമെന്നാണ് സൂചന.
മവനമനവ
