ആക്ടിവിസ്റ്റ് ബിന്ദു അമ്മിണിക്ക് നേരെ വീണ്ടും ആക്രമണം
കോഴിക്കോട് ബീച്ചില്വച്ച് ആക്ടിവിസ്റ്റ് ബിന്ദു അമ്മിണിക്ക് നേരെ ആക്രമണം.കോഴിക്കോട് ബീച്ചില് വെച്ച് മദ്യലഹരിയിലായിരുന്ന ഒരാള് തന്നെ ആക്രമിക്കുകയായിരുന്നെന്ന് ബിന്ദു അമ്മിണി പൊലീസിനോട് പറഞ്ഞു. സംഭവത്തില് വെള്ളയില് പൊലീസ് ഐപിസി 323, 509 എന്നീ വകുപ്പുകള് പ്രകാരം കേസ് രജിസ്റ്റര് ചെയ്തു.അടിപിടി, സ്ത്രീകളെ അപമാനിക്കല് എന്നീ വകുപ്പുകള് ചുമത്തിയാണ് കേസ് എടുത്തതെന്ന് പോലീസ് അറിയിച്ചു. മര്ദന ദൃശ്യങ്ങള് ബിന്ദു അമ്മിണി തന്നെയാണ് ഫേസ്ബുക്കിലൂടെ പുറത്തുവിട്ടത്.
സുഹൃത്തുക്കള്ക്കൊപ്പം ബീച്ചിലെത്തിയതായിരുന്നു ബിന്ദു അമ്മിണി. ഈ സമയത്താണ് അക്രമമുണ്ടാകുന്നത്. പാര്ക്കിങ്ങുമായി ബന്ധപ്പെട്ട തര്ക്കമാണ് പരസ്പരമുള്ള ആക്രമണത്തിലേക്കെത്തിയത്.