സൗജന്യ മെഗാ മെഡിക്കൽ ക്യാമ്പുമായി ഐ.സി.എഫ് ബഹ്റൈൻ
ഐ.സി.എഫ്. സൽമാബാദ് സെൻട്രൽ അൽ ഹിലാൽ ഹോസ്പിറ്റലുമായി സഹകരിച്ച് സംഘടിപ്പിക്കുന്ന സൗജന്യ മെഗാ മെഡിക്കൽ ക്യാമ്പ് ജൂൺ 24 വെള്ളിയാഴ്ച്ച കാലത്ത് 8 മണി മുതൽ 11 മണി വരെ സൽമാബാദ് അൽ ഹിലാൽ ഹോസ്പിറ്റലിൽ വെച്ച് നടക്കും. ക്യാമ്പിൻ്റെ പോസ്റ്റർ പ്രകാശനം സൽമാബാദ് സുന്നി സെൻ്ററിൽ നടന്ന സംഗമത്തിൽ വെച്ച് ഐ.സി.എഫ്. നാഷനൽ ദഅവാ പ്രസിഡണ്ട് അബൂബക്കർ ലത്വീഫി നിർവ്വഹിച്ചു. വി. പി. കെ. അബൂബക്കർ ഹാജി , ശമീർ പന്നൂർ, നൗഫൽ മയ്യേരി , അബ്ദുറഹിം സഖാഫി വരവൂർ , ഹംസ ഖാലിദ് സഖാഫി, ഉമർ ഹാജി ചേലക്കര , ഷുക്കൂർ കോട്ടക്കൽ, അക്ബർ കോട്ടയം, ഫൈസൽ ചെറുവണ്ണൂർ , അഷ്റഫ് കോട്ടക്കൽ എന്നിവർ സംബന്ധിച്ചു. ക്യാമ്പിൽ പങ്കെടുക്കാൻ ആഗ്രഹിക്കുന്നവർ 39871794 അല്ലെങ്കിൽ 34164040 എന്നീ നമ്പറുകളിലാണ് ബന്ധപ്പെടേണ്ടത്.
